Beroeps- en vakkeuse voorligting aan voornemende studente
Die Sentrum vir Voornemende Studente (SVS) bied, in samewerking met geregistreerde sielkundiges professionele voorligtingsdienste om leerders te bemagtig om ingeligte vak- en loopbaankeuses te maak.
Dienste wat aangebied word:
§ Graad 9-vakkeusevoorligting
Psigometriese assessering van persoonlikheid, vermoë (aanleg) en belangstellings met individuele terugvoering aan leerders en ouers om leerders se selfkennis te integreer met die skool se vakkeuse-opsies.
Aanbevelings wat gemaak word, word objektief en onpartydig en in konteks van die leerder se persoonlikheid en belangstellings, asook sy/haar skool se vakkeusepakket gemaak. Die leerder word ook bewus gemaak van die invloed wat sy keuses op sy naskoolse studieloopbaan sal hê.
Die koste is R950 per individuele leerder en sluit in 'n 4 - 4,5 ure lange assesseringsessie, 1 uur persoonlike terugvoer en 'n geskrewe verslag. Dit word deur die sielkundige by die Sentrum vir Voornemende Studente op die Stellenboschkampus aangebied.
Die diens word ook by sekere skole in die Wes-Kaap aangebied en die koste beloop dan R750 per leerder ('n minimum aantal leerders moet deelneem).
§ Graad 11- en 12-beroepsvoorligting
Psigometriese assessering van persoonlikheid, vermoë (aanleg) en belangstellings met individuele terugvoering aan leerders en ouers om voornemende studente te bemagtig om self gerigte beroepsnavorsing te kan doen en loopbaansekerheid te kry. Die koste is R950 per individuele leerder by die Sentrum vir Voornemende Studente.
Aanbevelings wat gemaak word, word objektief en onpartydig en in konteks van die leerder se persoonlikheid, belangstellings en vermoë gemaak. 'n Verskeidenheid van programme van tersiêre instansies word na gelang van die leerder se profiel aan hom / haar bekendgestel.
Die koste is R950 per individuele leerder en sluit in 'n 4 - 4,5 ure lange assesseringsessie, 1 uur persoonlike teugvoer en 'n geskrewe verslag. Dit word deur die sielkundige by die Sentrum vir Voornemende Studente op die Stellenboschkampus aangebied.
Die diens word ook by sekere skole in die Wes-Kaap aangebied en die koste beloop dan R750 per leerder ('n minimum aantal leerders moet deelneem).
NAVRAE EN BESPREKINGS:
Sentrum vir Voornemende Studente
Victoriastraat 45, Stellenbosch
Tel: 021 808 4709
Faks 021 886 4365
E-pos: maties@sun.ac.za
