Toelatingsvereistes vir universiteitstudie volgens die Nasionale Senior Sertifikaat (NSS)


Om by die Universiteit Stellenbosch te kan studeer volgens die nuwe nasionale skoolkurrikulum vir die Verdere Onderwys- en Opleidingsfase, moet jy:

• In besit wees van 'n Nasionale Senior Sertifikaat (NSS) soos gesertifiseer deur Umalusi
  
• Minstens 'n 4 (50%) in elk van vier skoolvakke (waarvan ten minste een Engels of Afrikaans moet wees) uit die lys van aangewese universiteitstoelatingsvakke* behaal
  
• Universiteit Stellenbosch se Toegangstoetse (TGT's) aflę vir die program(me) waarvoor jy wil aansoek doen
• 'n Gemiddelde** van minstens 50% vir die TGT's en NSS (uitgesluit Lewensoriëntering) gesamentlik in die verhouding 40:60 behaal met uitsondering van die fakulteite Lettere en Sosiale Wetenskappe en Natuurwetenskappe wat eiesoortige, hoër vereistes stel
• Ook voldoen aan die program(me) van jou keuse se spesifieke vereistes soos aangegee onder die verskeie fakulteite by die betrokke programbeskrywings

• As jy nog nie die finale NSS-eksamen geskryf het nie, gebruik jou Graad 11-eksamenpunt as riglyn.

  * Lys van aangewese universiteitstoelatingsvakke:
  Besigheidstudies, Dramatiese Kunste, Ekonomie, Fisiese Wetenskappe, Geografie, Geskiedenis, Godsdiensstudie, Inligtingstegnologie, Ingenieursgrafika en -ontwerp, Landbouwetenskappe, Lewenswetenskappe, Musiek, Rekeningkunde, Tale (een taal van leer en onderrig aan 'n hoëronderwysinstelling en twee ander erkende taalvakke), Verbruikerstudie, Visuele Kuns, Wiskunde en Wiskundige Geletterdheid. .

** Jou TGT-gemiddelde sal aan jou bekend gemaak word met die oog op toelating. 

Prestasievlak:

Vlak	3	4	5	6	7
%	40-49	50-59	60-69	70-79	80-100